ياصاحبي والحنين اسراب
والحلم ماسوسن أغصاني
فتشت صدري : ندى واعشاب
دوّرت صبري ولا القاني
هذا البلد حافي ماتاب :
ناري ولا ذاب نسياني
وهذا البحر نورس الاحباب
نبت وصباحات واغاني
وهذا المدى طاهر كذاب
غيوم بيضا وهوى زاني
وهذا الدفى شجّر العنّاب
واحتار حضنك أو احضاني !
بس انت جيتك وجيت غياب
للحين احبك كثر ماني :
فقير حظ وكثير اغتاب :
لقياك وامتدت احزاني
انده لك ويورق العناب
والتين والتيه واحزاني
ويفيض صدري ندى واعشاب
ويصير نعناع لساني