بنشد أهل الشعر والقلطه وشعار الحداثة
وأهل الوتساب وأهل سناب شات وتابعينه
عن عيال تحفظ أسرار الرجل وهمه ثلاثة
الكبار اثنين والثالث مكانه رافعينه
وظعهم ماهو بواجب بس أخذناها وراثه
مقدم الرجال ويساره ولاخر في يمينه
مرحبا بالشاعر اللى يحرث المعنى حراثة
عدّ من زار الحرم واللى يزورن المدينة
لغزكم مكشوف مثل النور في وقت انبعاثه
العيال جيوب ثوبك تحفظ أغراضك وزينه
والله يحمينا ويحميكم من أصحاب الخباثة
من تورط في حبايلهم عسى ربي يعينه