قبل يبدا الشوط والعالم وقوف
والحفوز من الحماسة داخلية
بين اماني واعتقاد وبين خوف
واعتصاب وبين تشجيع وحمية
قام شوط السيف والعالم اتشوف
والعرب كل يرشحله مطية
والهجن قامت على صغار الخفوف
والحمام يطير تو الاولية
روحت كنها على قرع الدفوف
كالقطىى اللي ذيروه مواردية
والصور شين طبيعي ومعروف
وشي فوق الهجن بالمروحية
جاتك اللي كلها غارب وجوف
جايعة ركظ وعلى السبقه ظمية
جاتك الذيبة نعامية وصوف
حايرة بين السما والجاذبية
زعفروها من الخافاف الى الكتوف
زعفرانه بالشكل والمعنوية
تلحق اللي توها غصب وتطوف
كنها ظبي خطته البندقية
كنها بنت مخضبة الكفوف
وكنها بالشكل دلة شاذلية
اكسرت تيم وخذت سيف السيوف
وللرياسه شلته رمز وهدية