يومه وعدني باللقا ليتني غبت
ولا شفت شيٍ يِتعب اللي يناظرْه
انا الذي في سالف الوقت ماهبت
الا قباله باللقا يوم اخاشرْه
ماكنت انا مجروح لا يوم انا طبت
اصعب شعور يمرني من محاجرْه
تزهر شفاته ورد وْمنّه تطيبت
لافاح من ريح السواليف عاطرْه
شربت فيه الوصف لاما تسربت
بين القصيد ولا ارتوت به مشاعرْه
من قصة الاسبوع وابداية السبت
انا خذيت من البدايات لآخرْه
لأجله ورى نفسي بشوقي تلاعبت
اغمض عيوني وبالوصل اسافرْه
وصدقني الموعد وانا فيه كذبت
وبيّحت دمعه لين ضاقة معابرْه
موعد يشتتني وانا له ترتبت
وبعثرت له عمري بشنطة مغادرْه
وقلت بشجن ليلي وياسيدي اذنبت
وقفا.. وانا ذنبه لك الله غافرْه
جيت بشبابي لين بموادعه شبت
لني لقيته شي ماني بخابرْه