يا شارع الذكرى أنا جيت مخنوق
ياما وقفنا عالمطل ومشيتك
جابتني الذكرى وللذكرى حقوق
والله لولا الشوق ما كان جيتك
يا لين دمعاتي تهادت من الموق
تروي ضمى الأشجان وأصيح ليتك
أتخبر الغايب عن الحال برفوق
يا شارع الذكرى بكيته وبكيتك
راضي بمقسومي ولا ودي افوق
الله يرحم ذنب حيي وميتك
يا شمسي اللي غربت حزة شروق
في غيبتك ما مر يوم ونسيتك
على رجى لاماك أشتاق واتوق
تبطي وفالخفاق لا زال بيتك
ياللي غيابك ظلم وإجرام وعقوق
ذنبي أحب وبالمحبة ابتليتك
توحشني عيونك ومنطوقك الذوق
وأضيع معك وفيك لين اكتفيتك
أنا عزايا كل ما هزني الشوق
حلم بمنامي كل م أغفى لقيتك
وليا صحيت وخاطري ماش به عوق
أستحضر وجودك كأني رأيتك
مخلوق ما والله يساويك مخلوق
لاشتقت لك شب الحنين وطريتك
جرحي عميق وقد له الجرح مفتوق
يا سبة جروحي فداك وفديتك