البسمة اللي ما لفتني من أيام
قولولها لا ترتسم فالشفايا
لا شفتها ناض الحلا من ورا لثام
غطى حلاها زين كل الصبايا
المترفه بنت الحلا تربك إلهام
حقيقتي ماهي كلام وحزايا
هي لذة الدنيا ليا جيت منضام
ألقى بها من ارتمائي دوايا
حبيبتي والقلب في داخلي صام
عن حب غيرك من جميع البرايا
انتي ملاذ القلب في وسط الأنسام
انتي ولا غيرك سكن فالحنايا
انتي تعليتي غلا فوق الأسنام
يتعطرك ديم السحاب بسمايا
جيتي وأنا استبشر حلولك بالأحلام
جيتي عطيه من كبار العطايا
أمانتك لا تسكن الروح الأوهام
اللي وهبتيها لجوفي هدايا
يا مُحسنة ما عاد لي حمل الآثام
وشلون أتوبك صدق وانتي غوايا
اذنب وأزيد الذنب لا حد الإعدام
وتزيد فيني من هواك البلايا
وأنا انهمر لك مثل نزفي بالأفلام
يصدح بي اللي منزوي في خفايا
هذا أنا متهوم في تهمة إجرام
كني سجين الفقد في صيدنايا