يا مزموم النهايد

يا مزموم النهايد

لا والذي سوّاك

ما شمت بك حسايد

ترخص معي وأنساك

لا حدّتني حدايد

لين آغدي شرواك

إلا بزقر ونشايد

يوم اتحقق يفاك

عطيت كسر العضايد

ريل تمشي جداك

بايالدها يلايد

النفس لو تهواك

وبقطع رسم اليدايد

على صوادر ماك

وايد عليه وايد

ياما تبعت ارضاك

يوم الدلها رقايد

ما تنقصي روياك

إلا إن ردت ردايد

من خاطرك وهواك

وإلّا فوصلي كايد

شتّان عن لاماك

باخطّف بالبعايد

عن قربتك واحذاك

لا ولّيتك سدايد

أزيد عن امّا ياك

لو مستعلٍ وايد

يا زين من فرقاك

عليه م الشدايد

لي خطَّفوا طرواك