يا بليد المشاعر يا جليد الهلاك
يابخيل العواطف شوف حال الحبيب
يلتحف زمهريرك و يتوسد جفاك
من سواياك هذي كيف نومه يطيب
الرسائل شحيحة ما هي بمستواك
والتواصل مقَنَّن و التعامل غريب
أنت بدرٍ و لكن الغيوم بسماك
خلفها نور وجهك له طلوع و مغيب
أطلع الوقت كله ؛ مستحي؟ وش بلاك؟
صائر بكل حاجة لك سلوكٍ مريب
ما أنت مجرم تَخَفّا عن بنادق عداك
أقلط وشب ضوءك بالمكان الرحيب
في مكانٍ يعزك قُوم و أفرش غلاك
أنت معروف قَدرَك ما أنت واحد غريب
خَل لمسة حنانك تمسح الارتباك
خَل بُعدَك مسافة ، خَل قربك قريب
وأسعد الله صباحك و أسعد الله مساك
يادواء العلة اللي حار فيها الطبيب
عبد العزيز بن شداد