كيف العمل؟
كل حاجه في قوتنا زادت
حتى الميه ليها سعر
والفقير اصبح يعاني
يده لقمه تكون تبر
والزيادة نازله تجري
سيل وجارف زي نمر
فاتحه بوزها ديب وكاسر
والخلايق فار وهر
ويقولنا فيه زياده
دا الكلام اصبح يعر
والمرتب راح في دوكه
واللي واخده ابن جن
لما اروح السوق أهاتي
وعيني تبكي كيف اقر
كل حاجه في قوتنا زادت
رز سكر عشينا سم
الخضار صبحت مصيبه
والبطاطس فيها سر
والجميع نام وشخر
والدولار يضحك يكر
والعيال صبحت تلالي
والحليب ماعاد يبر
والوليه مراضيه تهمد
عايزه لحمه تكون لجر
والحكومه تقولي اصبر
وبدي سكة امشي وافر
المصيبه ابني جاني
كل حاجة فيها ضر
قلت يا ابني هدي بالك
دا الحكايه فيها سر
السكوت لينا إفادة
شده يا ابني وعصر مر
الحياه صبحت فاتوره
واللي يدفع يبقى حر