خذاني الشو لعيونك

خذاني الشوگ لعيونك..

وعرفت الليل..

ذكرى نرسمت بفرگاك

ما يمحيها لون لأي صبح چذاب

ولا لون النوارس من يرسمونك

أيا سولة عيونك من يجيني الليل

مطبوع بسواد الليل..

لون عيونك ولونك ..

خذاني الشوگ گايدني

لحد ذيچ المحطة الغافلتني وداع

ضيعني بمشاهد تلچم البي شوگ

وبريح المحطة أصوات تحچي الموت

أظنهم موتى يرثونك!

خذاني الشوگ

تيهني بظلام الريل

وبصفي المقاعد ناس بيها هواي

بس ال"محد البيها"

حچالي عليك ..

گلي الگمرة ما تنشاف

چذابة العيون الغورگت من راح

ما سمعن صدى چفونك ..

ولا تذبل تناطر ماي

گلي الماي من ينشف

يصير غيوم يسگي الما يعرفونك..

خذاني الشوگ

دولبني وي صوت الريل

وعيوني على طاريك تغرگ الصوت

فزَّع من فراگينه الحزن والآه..

رجعني بمشاهد عمري من دونك ..