يكفي قليلك لو تمطر سماك قطره
تعبت اناظر السماء يمكن الله يجيب
ادري ان الهزيل اكتفى من صبره
كل الأماني اتحقق والله المستجيب
عن صخب العالم مبتعد هايم بفجره
وكل ما ابتعد اكثر احس اني قريب
الي كتبك وما قريته وش يفيد شعره ؟
والي احلامه كثيره واقعه يصبح كئيب
مثلك حزين ، يفكر يغطرس في حبره
يحاول يخلق حروف جرحه يمكن يطيب
انت النهايه والنهايات في خواتيمها عبره
ودي ارجع للورى وارجع اشوفك غريب
ودي ما عشت في عيونك ولا لمحة نظره
لو جيتك حلم يضايقك اوعدك اني اغيب
ولو غبت عن ليلك الغايب معه عذره
اذكرني بدعوه صادقه عن ظهر غيب
وقبل ما تكسر فيني الخواطر المنجبره
ليتك ذكرت انك حبيبي ومانسيت اني الحبيب