والنعم بالقبايل
كان صارت صمايل
وكان وقتي حداني
عزوتي عيال وايل
لا انتخو عيال عمي
سقت روحي ودمي
امتثال وحمية
ماهو حكي ومثايل
بالحميا … تلاحم
من زمان الملاحم
يوم للسيف كلمة
شاخت أهل الفعايل
لابتي شاش راسي
ولا خذلني حماسي
لي حق اتنومس
أهل اصل واصايل
كاسبين النفيلة
والنعم والجميلة
لو تميل اعتدلنا
ونعدل كل مايل
بالكرم … والكرامة
وبالوجيه العلامة
كل خصلة بربعي
من حميد الخصايل
الذخر … والذخيرة
دون شبه الجزيرة
قبل ومن بعد كسرى
لا اعتزينا … هوايل
كم دولة حكمنا
ب علمنا وب عملنا
ما طغينا وبغينا
بين صايل... وجايل
بالعدد … والعوايد
ماهي لحية قصايد
والتواريخ تروي …
عيال وايل اوايل