حلمي مثل رجلٍ عزيزٍ وانخذل
مجبر على صبره وهو ماهو صبور
حدّه زمانه يوم شافه ما يذل
خلاه يتعايش مع كل الامور
يا اللي تشوفوني تحسبوني جذل
اسكت لجل ما توصفوني بالغرور
ولا ترى حظي بهالدنيا نذل
دايم يعاملني كما الطفل الغيور
سئمت روتيني وكلّي مبتذل
الا همومي تبتكر في كل دور
ليته كفاني جلد ذاتي والعذل
عن عاذلٍ قلبه من انواع الصخور
يشمت وغير النقد ما عمره بذل
والنقد ما يبني لي ابراج وقصور