مادام هالاسواق يابنت غثّتك
وانا تعبت ألف وادوّر قياس
لقيت لك حلٍ يناسب لحالتك
ويناسب لحالي ولا يعرف الياس
بألبس نهار العيد حُبك وضحكتك
واكشخ بها قدام هالعيد والناس
وألا انتي زينك ماخذٍ دور كشختك
مشيك اسآور والحكي طوق والماس
خلّك مثل ما انتي ولا اتهون غرّتك
اغتر فيها الراس واستانس الساس
ولو تلبسي خيشه على لون خصلتك
اتصير موضه لانك تحلي لباس
وماني بقايل هاتي الصبح فرحتك
وارمي على كل التعب رفعت الراس
اصلاً نهار العيد يحتاج طلّتك
حتى يكون العيد فرحه واحساس