يبه

يبه...

يا أعظم ثلاث حروف...

يا أقوى من نزع هالخوف...

شلون قلبك طاوعك؟

وحملتني هذا الحمل... شوف

كل هالناس تبغى...

تشوفني ناصر...

وأنا والله لو أتعب...

أظل بعينهم قاصر...

كيف هالقلب... داخلك

وكل من ضام... صاح لك

ليه تحملني هالثقل...

وأنت صاقلني صقل

وتعرف إني كنت صغير... ألبس غترتك وأكبر...

أحس إني ملكت الكون... وأعاير صحبتي وأقهر...

كبرت... وعرفت إني...

على كبري... أنا أصغر!

يبه...

ما تدري إني... سرقت حكاك وفعولك...

أحاول أوصل لمثلك...

وأنا حدي... شذى رجولك!

تصدق... مرة نويت أصير...

حنون وأحضن إخواني

لقيت بكل حضن... قصة...

تهل الدمع... وتغصه

ترا صعبة أحب ستة... بنفس الوقت وأوفي

ترا بقلبك ست قلوب... وأنا في داخلي واحد

يبه...

أنا إيست أوصل لك... وعجزت عن فعلك وظنك

وأنا لو بغيت المدح... قلت للناس... أنا منك...