لا صارت الطعنه من اعذال وانذال
ماتنصدم منها وتزعل وتنهار
لكن لاجاتك من العم والخال
ويش السوايا بعد ماتحترق نار
يا قلبي اللي شلت همن ماينشال
نمشي عن العالم ونمشي عن الدار
ماعاد في هذا الزمن قولت رجال
ماعاد فيها قول حشمه ومقدار
لو الزمن يقصر ولو الزمن طال
ماينجبر جرحي ولو جبت جبار
لو الزمن يمشي سنين معا ليال
محفوظتن واحطها ضمن الاسرار
بقول لك كلمه وتثبت على البال
لا تختلف والا تبدل وتختار
ترى الهوى لو هب مايطرح جبال
والا الصغير ان قال ماهم الكبار
يالله يالمعبود ياعالم الحال
ياللي تدير العمر تعرف بالاعمار
تغفر ذنوب الناس حسنات الاعمال
وترزق جميع الناس بأموال وامطار