ف جرحي محتار وأسمعني
دا الجرح فيّه بيوجعني
مجروح يا ناس من ظلم الناس
أنده ومين راح يسمعني
دكاتره ياما شافو جرحي
والكل تاهو ف ملامحي
ومنهم عزاني ف فرحي
قايم بيبكي يودعني
ويقولي يا بني مين جرحك
والحزن ليه ساكن قلبك
يا بني قولي ولا تخبي
مين اللي موتلك فرحك
أنا قولتله الناس ظلموني
بكلامهم المر أذوني
وإن قلت يكفى يزدوني
وصاحبي أول من باعني
فكرته ليا يكون ناصف
لقيته كان أول ناسف
صاحبي وعارف فين ضعفي
على جرحي كان أول عازف
وأدي يا ناس كل حكايتي
م الجرح أنا خدت كفايتي
من البداية لنهايتي
مجروح ومين راح يسمعني