يابوفرح في داخلي ولعت نار
احرق لهبها مابقى من احتمالي
والله من قلب ٍ عليل ٍ ومحتار
مارتاح يوم ٍ من عنى الهم سالي
ضاقت عليه بناظري كل الأقطار
يرف له بين الضلوع اجتوالي
لولا ضلوعي كان من ضيقته طار
حقيقة ٍ ماهو كلام ٍ خيالي
على وليف ٍ ماتجي منه الأخبار
يزورني طيفه وهلي بغالي
هاذي دياره مجدبه بعد الإزهار
وهذاك منزاله من الناس خالي
ماباقي ٍ منها سوا شبه تذكار
حتى الملامح غيرتها الليالي
وقفت فيها واتفكر بماصار
بأطلالها وأنظر بها كل عالي
لي فيه ذكرى واتسلى بالأشعار
وأناعرف أني عنه ماني بسالي
أقفت به الايام وافتقده الدار
والفقد عذب حالتي عزتالي
ماللفرح يابوفرح علم واذكار
شفني اعيش بوحدتي وانعزالي