سلام يا ثابت كالجبل
سلام عليك يابن الحسين
نظرة عنيك تدى الأمل
وتكون آيات للسائلين
ياللى عارفك من ساعات
وكأنى عارفك من سنين
هتفضل قريب مننا
وف قلب ناسنا الطيبين
ياللى ضحكايتك عسل
تلدغ قلوبنا الموجوعين
قاعد ما بينا كالقمر
وإحنا الكواكب منثورين
لو يوم تغيب توجع قلوب
وتفوت عذاب وتفوت حنين
كسبت قلوبنا كلنا
بغيابك إحنا الخسرانين
فى كل يوم وقت الصلاة
كنت تنادينا نقول آمين
وكنت تدخل كل يوم
وكنا دايما فرحانين
ومهما تبعد بالجسد
هنفضل يا قلبى مشتاقين
يابن الحسين إنت الحبيب
حتى المكان أصبح حزين
من غير كلام تسكر قلوب
يا منور الدخان سنين
نصايحك لينا نور طريق
وليها جوا الروح أنين
خلاص هتمشى يا قمر
وتفوت قلوبنا زعلانين
ألفين سلامه يا جدع
حبك علينا فرض عين
ولو ف بعدك نتوجع
نسأل عليك احمد حسين