عليك مني كل يومٍ ملامة
يمكن تصحي الغافلين الملامات
لو ينكسر في يدك كاس الندامة
يمكن يسبب لك جروحٍ طفيفات
اخير لك واعدها لك سلامة
من شربةً ما بعدها الا النهايات
لولا الحزن محد عرف الابتسامة
والحلو ماله ذوق لولا المرارات
اجفاك واقاصيك حب وكرامة
ابغاك مني ما تضيع انت بذات
ابغاك تبقى قامةً ويش قامة
وارفض مطيحك لو تطيح السموات
لو اصلبك وتضل مرفوع هامة
مثلك حرام يطيح حتى ولو مات