أحبّك موت لو تدرين
وودّي لو تجين الحين
أشمّك والثم الكفّين
واضمك في جفون العين
عيوني للحلا تشتاق
وشِعري كم ملا أوراق
وبالي ما صفا أو راق
لأني ما أشوف الزين
زماني ما يطاوعني
وفي وصلك يمانعني
واذا أشكي يقاطعني
وردّه دايمن: بعدين!
طوتني خنقة العبره
وليلي ما بدا فجره
وروضي قد ذوى زهره
وقلبي دامعن مسكين
ليالي تْمرْ كما رضوى
ولا عندي سوى الشكوى
أقلب دفتر الذكرى
وَاشَطّب في حروف البين!!