يقولون جرحك مع الوقت يبرا
وقول جرحي مع الوقت زاد التهابه
كسر في الضلوع ما ينجبر كسرا
ولا مع جور الأيام يلقى طبابه
عانيت الجروح ومسكت باليد جمرا
وحسب مع الجمر يشفي الإصابه
اسهر ليلي ويظهر علي فجرا
وسما فجري يرسل علي من شهابه
تغفى عيوني ويكمل قلبي سهرا
يفز قلبي ويشد بالروح نصابه
حبيبي انت سبايب ضيمي وكسرا
وانت ادرى في خفوقي وحافظ كتابه
لا رفعت الراس شفت بعيني قمرا
ولا وطيت كل شي في عيني تشابه
ماهقيت في يوم اعاني هجرا
ولا في يوم يسد بالهوى بابه
ودي تشوف غلاك في قلبي كبرا
وجرب لو قليل ناره و عذابه
ودي يجيني من انفاسه عطرا
ودي اشوف بالعيون جرت ثيابه
ما سحرني في فؤادي مثل سحرا
سحر يمشي بالعروق بنسيابه
حبيبي متى تعود و تشوف في قلبي امرا
وتسقي روحي من ايدك و اشرب شرابه
حبيبي يابس الأرض ما تحيا الا بمطرا
وانتي سحابة عمري وزهرة شبابه
لا صرت انا في قلبك ذكرا
ما ينفعك بعد الرحيل عتابه
للعبد يوم يدخل فيه قبرا
وفيه جنته و ناره و حسابه
اليوم انا معك ولك بدرا
لا دعيت جاك من قلبي جوابه