يا كويت العز وبلاد الكرام
يوم عيدج اشعل شموع الحروف
في سما عيني غلاتج كالحمام
طايره والورد من قلبي قطوف
يا كويت الحب وابواب السلام
غيرج عيوني فلا يمكن تشوف
في ربوعج مثل الاطفال وانام
دامني يمج أعيش احسن ظروف
انتي جنة ارض وشموس الهيام
انتي شيخة حسن وارباب الخشوف
يا سلام الله على حسنج سلام
يا حبيبة قلبي والقلب العطوف
يا كويت اشهد عشقتج بانتظام
انتي مثل الريم او يمكن هنوف
روضة اشواقي وميدان الغرام
والحنين لشوفتج دايم شغوف