سجيت عن طاريه ما كني اغليه
حتى اللقى ماعاد فيه اي صدفه
آظني الرامي ولا آظني ارميه
القى هوايا والوصل يلقى حتفه
اتعبت عذال الهوى بالمشاريه
واتعبت كتاّب الحلى ب طول وصفه
الوقت وقته والليالي لياليه
للوقت جمره ولياليه رجفه
اسوق رجلي عازم إنّي الاقيه
وارجع واقول حظوظنا اليوم صلفه
يا عزي لحالٍ تعب منه راعيه
لا مال راسه ما درى عنه كتفه
العقل سالي وآنا لا جيت اصحيه
يجيه قلبي ويتمادى بخطفه