إذا كان الحكي والنقد عادة
فِقد حتى معانيه النبيلة
وإذا كان التعامل لك عبادة
فهي غايه وركز بالوسيلة
وإذا تسعى إلى حد الريادة
تحمل كل الأحمال الثقيلة
وأنا ماحتاج من مثلك شهادة
ولاني بدعي حتى الفضلية
أنا لو أدري أن منك استفادة
ولو حتى بعد كانت قليلة
ابد بسمعك وأفهمك وزيادة
ولكن ما وراك أية حصيلة
مجرد شخص ويمارس عناده
وطبع شين مع نفس عليلة
فلا هرجك ولاحكي النقادة
يشب النار في راس الفتيلة
تصدق منك ما نبغى إشادة
ومدحك أنت بالتحديد أزيله
لأجل ذلك ترى عندي سيادة
عن أمثالك وعن حكي الهزيلة
ورغم اللي حكيته وامتداده
أنا بعض الحكي والله استميله
واسمع نقد من يعرف مراده
واعدل ما بدا لو فيه ميله
أنا الخيال لو خانه جواده
تطيح الخيل لو كانت أصيلة
أنا إنسان واحد من عباده
وإذا من طاح يبغى من يشيله
أدور نور في حالك سواده
وأجامل دنيتي لو هي بخيله
ولو تقسى الحياة عندي جلاده
وهمى لو قسى أنا وكيلة
أتوج فكرتي عقد وقلاده
بحرف وقاف وأبيات جزيله
كتبت الحرف ثم تم اعتماده
وجف الحبر ثم أعلن رحيله