أفكّر فيك وبءقلبي وْعناده
يطير النوم وافكاري جديده
أفكر فيك وبحب وسعاده
وليالي تجمع قلوبن وحيده
ألا ياعاشقي عشقي زياده
كبر ذا الكون تهواك العنيده
ولوأبعد وصار البعد عاده
لاتحسبني مع اشواقي شديده
بدونك عمري ساير في حداده
لبس أسود وأحزانه مديده
هجرت الأحمر وعفت القلاده
لقيت اللوم من خصري وجيده
ولهيب الشوق بأحضاني وقاده
وطول الليل اعاني من وعيده
يكايدني يواصل في كياده
يجيب الماضي يحكي لي يعيده:
حبيبك ذا هوى قلبي ومراده
ويوم الوصل عيدك قبل عيده
يبهذلني وانا مابي جلاده
عنيد الشوق وآنا اكْبر عنيده
احبك حب من ربي إراده
وكل ليله علي ربي يزيده
نويت ارمي شقا قلبي وعناده
نويت ارجع قبل لاصْبح شهيده
هدب عينك أسر قلبي سواده
وشهد النون تغلل في وريده
لعشقي لك معي أصدق شهاده
أنا بْدونك بهاالدنيا شريده
نويت اهدي لك القلب بوداده
وأرجع طفله بأحْضانك سعيده
يعيش الحب نعطيه السياده
يضل حاكم نضل احْنا عبيده
ياعاشقني انا عشقي زياده
كبر ذا الكون تهْواك العنيده