كان الظروف ابعدت صوتك عن اسماعي
رسايلك لو سمحتي كثري منها
أخاف غيبتك تنثر باقي اوجاعي
وانا رسايلك لامن غبتي ازبنها
رسالةٍ ماتبي طابع ولا ساعي
تاصل على طول.. شفتي كيف ما اهونها؟؟!!
لكنها يوم تاصل تقلب اوضاعي
مادامها منك يا اغلى الناس باحضنها
في وقتها تطيح دمعة مالها داعي
ألا المحبة وقلبٍ كان ساجنها
والحزن لو كان ما يغلب على اطباعي
ملامحه تنتهك روحي وتدفنها
عذرت صوتك بغيباته عن اسماعي
أما الرسايل بعد!! لا.. كثرّي منها!!!