حياك ياللي ضحكتك كنّها العيد
..يافرحة ايامي وبشرى زماني
مشتاق اضمك يافريد المواليد
...شوق اللي راجع بالبحر للمواني
يامعلق(ن) بالروح مثل العناقيد
.. ما انحرم من ضحكتك ياعساني
وان قلتها قبلك توددت للغيد
..على شفاهي..ماتعّدت لساني
ياوجه(ن) اشهى من دروب المواعيد
..والذ من ضحك الِعذاب الحساني
لك لجة(ن) بالقلب مثل الزغاريد
..او لجّة البدوان على السواني
لاغبت يملى القلب كثر التناهيد
..و احْسب ليالي غيبتك بالثواني
ولاقبلت يمي تضحك الأيد للأيد
..واقرا بسر القلب سبع المثاني
ماعدت معني بالبشر زيد وعبيد
..مادمت عندي يارفيق الاماني
لو منت ما اخضرت وسط قلبي البيد
..ولا ازهرت بعد الجفاف المحاني
من يوم بشرني بك ( محمد العيد )
...صارت حياتي كلها لك يا(هاني