يا شايل البندق تبي ترمي القوم
بعض البنادق خلّها في خباها
اهجد وطيع الشور تسلم من اللوم
المشكلة ما انته على مستواها
غيرك عن الموضوع غارق في النوم
لا تبحث الفتنة وتكشف غطاها
خلّ الشكالة لو يقولون مهزوم
ترا السلامة من بغاها لقاها
ولا تصدق في سواليف وزعوم
سوالفٍ ويش ترتجي من وراها
ما ينفعك لا قيل فارس وزيزوم
بعض المدايح ما يذري ذراها
عسى كلامي لك مقدّر ومفهوم
ابعد من الفتنة وتسلم غثاها