بشرع العشق ع العشاق وع المجاريح
فى بحر عنيك فردت قلوعى ويا الريح
سهر ليلتها البدر يتوانس معايا
وحط صورته جنب صورتى فى المرايا
وصدقونى ضحكتلوا
ضحك وقالى وقولتله
وحكينا أسرار الهوا
وازاى ندهلى ورحتله
وازاى أسيت وازاى تعبت
ومن ليلتها وقلبى مش طايق حنانه
ومن ساعتها وهو مش نايم مكانه
سهران فى ذكرى احلى ليله من زمانه
داير يدور ع اللى راحوا وع اللى كانوا
اعقل ياقلبي مش كده
يقولى لاء هو كده
وأقوله إيه أخرت كده
يقول انا مبسوط كده
ما تحاسبونيش مادام عشقت.