لاصرت مجبوله.. على الهم والغم
وقصايدي.. تطغى عليها.. الكآبه
وشوله آصدّ المقادير... وآذمّ
والعمر واحد.. والليالي.. تشابه؟!!
م انت اول انسانٍ عليه... آتندّم
وآجرّ موّال الجفا.. عند بابه
م انت اخر اللي في هوايه ترنّم
غيرك كثيرٍ مشتكي لي.. عذابه!!
آشوم عن هرج المهابيل.. والنّم
وآجيد مفهوم..الادب والخطابه
عندي قناعه... والقناعات تحكم
منهو ذهب.. يحرُم عليّه.. إيابه
والجرح مهما زاد.. لابد يلتم
وكم ضيقةٍ ياتي بعدها.. رحابه
ماتاقف الدنيا على ظلمٍ وهم
كلٍ بيلقى.. فالنهايه.. حسابه
هذي حدودك.. وانت ياليت تلزم
لا اسمع ندا قلبك ولا اسمع جوابه
ان كنت مستقوي على الحب ياعمّ
مايحكم احساسي.. قوانين غابه!!