للجمال احدود وحدودك جمال
مثل بدرٍ منتصف شهره اكتمل
كنك لوحدك على شرفة دلال
تغرفين الحسن من نهر العسل
عينك اللي تسحر السحر الحلال
ليتها ما جات عيني وانثمل
ليتني اعمى وعايش بالخيال
قبل اشوفك وابتلي بأمر جلل
مشيتك رقة على اوراق الخصال
بالهوينا.. راح كعبك معتدل
وآآآآه منك آآآه يأاحلى غزال
يرتع بكثبان قلبي والسهل
تلعبين الدور متقن بامتثال
مسرحية وكنت انا فيها البطل
اعذريني ما بقى عندي مجال
غير ابوح الشوق قاتلني الملل
ساكن بأرضي وأشعاري سجال
تضرب المشوار في قاصي زحل
يالاميرة يالخطيرة يالسؤال
حاجة ماتنقضي بحلو الجُمل
من يحبك.. ذق من وقته الوبال
يااختصار العمر فيقالب عسل
للجمال احدود.. واحدودك جمال
وفي مسلسل حبنا.. كنت البطل