يسار صدري فوادٍ يعشق ترابك
معاك لاضقت ولا كنت متهني
أي والذي خالقه مايفرح الا بك
ياللي تفاصيل يومك فيه تسكنّي
ياليت رجلي توديني على بابك
وياليتها تنكسر ولا ترجعني
الشوق باقي معاي بريحة ثيابك
اللي بقت منك لو فكرت تتركني
يموت لك حي حتى المْيت يحيا بك
ودامي حييت ابك تكفى لاتموتني
محتاجتك واحتياجي صعب يحظا بك
علمني شلون م احتاج الك علمني
الياتذكرت من تمسي وتصحابك
كن أغلب احزان خلق الله تشملني
أكذب ليا قلت عادي واعرف اسبابك
في كل ليله انام الدمع يحرقني
منّول أقول بإني لك وأولابك
والحين كل الاماني فيك تقتلني
ما اصعب من وجودك الا فكرة غيابك
وماهوّن غيابك الا انك على ظني
هذا شعوري نثرته شعر بكتابك
في كل مره بتهملني.. بتلهمني
صباحي صوّرك وصباحك احبابك
عليك الاشواق تاخذني وتسرقني
ياخذني القلب واشواقه على بابك
ويرجع ليا شاف شيٍ ياخذك مني