حزت دوامك قلت انا بالتصل فيك
لانك يابن زبن طير نداوي
افرح ويفرح كل طيب بطاريك
واكره عدوك ياعدو البلاوي
ياصاحبي لي الشرف يوم اخاويك
وكلي فخر يومي لمثلك مخاوي
ضاقت بي ديار الحفر وين اراضيك
من بعد ماسافرت كني خلاوي
قلي وانا باجيك وشلون ماجيك
انا اشهد ان القلب بعدك شقاوي
ياصاحبي جروح قلبي تناديك
مافيه غيرك ياصحيبي مداوي
كل مانضرني واحدٍ قال وشفيك
حالي مريره وانت بالحال حاوي
يابو علي جيتك وانا هاقيٍ فيك
لانك مقرٍ لطنا والهقاوي
من صغر سنك شايبٍ لك مضريك
على دروب المرجله والمناوي
من دار ابو متعب انا جيت ناخيك
تكفى يابن زبن للحال تاوي