ياهم مرّه ورى مرّه
ماعاد ترحم ولا تاوي
اجاذب الصوت واجرّه
وانته على ضيقتي ناوي
ماني صغيره ومغترّه
ولا عندي احساس فوضاوي
اعاند الحظ واحرّه
واقول نور السعد ضاوي
كيفي وانا عاشقه حرّه
ولا كل من فالهوى غاوي
اللي لهم فالحشا جِرّه
عشّاقة العود والجاوي
العمر حلوه بعد مرّه
وللقلب جرّاح ومداوي
رضيت في خيره وشرّه
واليوم ذيب الغلا عاوي
خذاني الله لا يضره
من وضع مزري ومأساوي
وحلفت ما اعاود الكرّه
دامه على وصلنا قاوي
ما اخالفه لو على ذرّه
واقدّر هواية الهاوي
يبقى هلالي وانا حرّه
ميولي ميول نصراوي