والله ما أحلى مِنك إلا عيونك
فديت قلبك يا الغلا والملامح
خذني بعطفك خَبني في جفونك
وأنا لتعذيبك وهجرك مسامح
والله ما لي عَيش لحظه بدونك
فالعُمر دونك يوم كربه وصامح
أنت أكسجيني لا تصدق جنونك
القلب لك ملهوف للوصل طامح
كفكف دموعك وٱسقني من مزونك
ومِد يدك يا حبيبي وصافح
كيف أوصفك؟ قد عَجزتني فنونك
عيناك ترمي نَبل والوجه رامح
كِنك فرس لحظة تمايل متونك
فرس هجيني بس غاوي وجامح