العيد باكر أسعد الله ممساك

العيد باكر أسعد الله ممساك

والله مدري وين خدٍ جلسته

وين انت ياللي عيدنا في محياك

كف القدر من ضيقة الخلق بِسته

من يوم ما لوّحت لي كف يمناك

لليوم دمعي بالخفا ما حبسته

ومن يوم ما ذوّقتني حرّ فرقاك

والياس زرعه في حياتي غرسته

شريت لي ثوبٍ على شان لقياك

والثوب راحت موضته ما لبسته

وشريت عطرٍ ما زهاني بليّاك

أربع سنين بعلبته ما لمسته

ودفتر قصيدٍ كل يوم يترجّاك

ما فيه يومٍ ما سهرت ودرسته