راحت غرابيلً . . وجتني غرابيلْ
من بعد شفت اللي وصوفه منيره
فستانك الاسود ملى عتمة الليل
ي احلى سوادً فوق شبه الجزيره
انتي سحرتيني بهذي التفاصيل
يافاتنه . . . يامترفه يامثيره
انتي قصيدة . . شاعرً قالها بليل
شاف العيون الفاتنات السهيره
ي اجمل بنات الارض جيلً بتر جيل
يافاتنة نجد العذيه ي اميره
قلته وانا ربعي زحوول الرياجيل
اللي ترد القوم واهيه مغيره
ومن دون قاصر ف الرجال الحلاحيل
ربعي مطير اهل الثلاث الشهيره
حنا هل الردات و حنا هل الخيل
من ماضي الدنيا نقود المسيره