يا مصر حالك بقى بالويل
والدم عَمّال فيكى بيسيل
يا مصر ليه بكِّيتى النيل
وحَكِّمْتى ف ولادك ظالمين
يا مصر حالنا مش مظبوط
ووْدان عِدَانا هنا ع الحيط
والكل مشغول ف التخطيط
لجلن يخلو الشعب حزين
يا مصر ياما عليكى ناديت
شُفْتْ حالك والله بكيت
عَمّال أهاتى ومهما هاتيت
مش لاقى فيكى مصريين
يا مصر يا طارده الهكسوس
عَمَّال بينخر فيكى السوس
والظُلْم على أهلك بيدوس
وبيتحكموا فيكى الملاعين
يا مصر طب ونا هعمل أيه
اللى ف وسْعِى قُلْتْ عليه
كفايه يا بلادى اللى انا فيه
هيبقى انتى والظالمين