يالي زعلت ازعل ولاني مراضيك
اشرب كدر ما البحر كانه ارضاك
لاتحسب اني عقب صدك بداريك
بأعز نفسي عنك مدراك مدراك
اربع سنين وانا متحمل تغليك
راضي بتعذيبك لاجل قلبن اغلاك
وخليتني واليوم والله لاخليك
وادوس قلبي لينه يقول خلاك
قبل توريني الحساير بااوريك
ليمن يقال فلان هانك ووراك
كانك تتحداني فانا اقبل تحديك
وانسى الغرام الي مضى واتحداك
ماني بقايل عسى الله يخليك
الله يحرمك كل ماكان هناك
عسى العمى ياخاين العهد يعميك
فوق الغرور الي عن الماضي أعماك
وعساك ماتسمع قريب يناديك
حيثك تجاهلت صوت محروم ناداك
وعسى الشلل يعوق رجل تمشيك
لينك تندم ليه غيرت ممشاك
وعسى حياتك بس فرحه لشانيك
يلقى بها الفرصه عدوك ويشناك
وعسى الليالي الي تجيني بطاريك
يصبح عليها الصبح ويموت طرياك
وعسى المنام وكل راحة تجافيك
آمين حتى الي تمناه يجفاك
وعساك ماتفرح وتزود بلاويك
وامك تشق الجيب من عظم بلواك
وإلي مت جعلك في جهنم تصاليك
نار الجحيم وناردنياك تصلاك
الله يكره فيك حتى دوانيك
غشاش خاين من الناس دانك
هذه النهاية روح والله يجازيك
امسك ويومك عنهم الغد يجزاك