ميخالف ارحل، بس لا ترحل بعيد
ميخالف اهجر، بس خلك بداري
ميخالف اعشق ألف عذرا من الغيد
ميخالف اجرح، بس حاول تداري
أنا عقب فرقاك ما مرني عيد
العام ذا من كل الأعياد عاري
يا صاحبي لا تكّثر العذل وتزيد
معذور الأعمى لو مشى الليل ساري
بابيع عمري لك من غير تحديد
عمري رخص من يوم شفت انكساري
عقبك قسم بالله مدري وش اريد
أبنتظر مابي ثمن لإنتظاري
واتركني أغرق في بحور التقاليد
إرحل وسافر بس خلك بداري