امشي وبيِّن جمالك ،، وروي ضما من وفى لك
كحِّل عيوني بشوفك ،، امطر علي من دَلالك
خلِّك معي في خيالك ،، وإحذر سوايا يطالك
انت الهوى وامنياتي ،، وانت الهنا في وصالك
معك الليالي قصيره ،، ضوَّى سماها هلالك
حبك فلا ارضى بديله ،، قلبي رجف لك لحالك
عطفك حبيبي وجودك ،، خصله طغت من خصالك
نوِّر دروبي بنورك ،، ضوِّي عتم من سرى لك
هيبة حبيبي حضورك ،، تسعد حبيبٍ عنى لك
عطِّر حبيبي بعودك ،، عطِّر حبيبٍ صفى لك
عطني عهودٍ ووعدك ،، غيري بشر ما ينالك
وعدي انا في غيابك ،، محدٍ أحبَّه بدالك