قلي كان حبك بجد ولا كان لعب وهزار
ولا كنت تسلي نفسك لما كان ليلك نهار
أو عشان فى حد جرحك دوقك طعم المرار
جيت على قلبي وخدعته لعبت دورك باقتدار
اعترف قلبي إللى حبك إنه ساء الأختيار
حبي ليك كان حب صافي وأنت حبك دور قمار
والملاك إللي عرفته شفته نور ولقيته نار
واكتشفت قلوب ديابه أو بشر صابها السعار
بس دي دواها الوحيد سمها أو ضرب نار
دول ما يستهلوش دا كله تركهم أحلى انتصار
سبهم انساهم وبعهم رد لينا الاعتبار
مسرحية سخيفة جداً وانتهت . نزل الستار
واسمع إللى جاي وركز أصلي أصدرت القرار
حبه راح أدوسه واعدي مستحيل الانتظار
كل شئ إلا كرامتي أو على الدنيا الدمار