عن السرقات الأدبية لا عن موضوع آخر :
ماكنّك إلا ذنب
بوجوه تتلضّى
تنشد عن الرفعِه ؟
مايعرفوا الركعه !
طافوا على صدرك
وتقاسموا شعرك …
مجموعتين “ أوباش” !
أعطيتهم ظهرك
ناس ٍ بدون أحراش !
أوباش {من أوباش}
من فضلتك _ تعتاش
وايدينهم
أبراش !
تغلق على الفكره
تستأصل البذره !
تستأثم بنفسك !
وتعاود الكرّه ؟!
وتمد بعض الماء ..
قالوا نهبت الغيم
ياسارق الديمه
تحلب لنا الغيمه ؟
الله يعين الماء ..لامرّهم يظمى !
مايعتلي _ يدنى
يدنى _ ويتدّنى
والله مايثمر !
والله لو يثمر
{ماكان يتبخر }
تغلق على الفكره !
تستأصل البذره !
تستأثم بنفسك !
وتعاود الكرّه ؟
أهلين ياساده
صافحت بزياده !
بيدين آخاذه ،،،
ممدوده وبيضاء
قالوا عجب : منّه!
وشهو يظن أنّه ؟
درويش من درويش
ماصافح إيدينا
الا يبي بغشيش
وانا اوسط يديني - وحده أشارة …
{ سب }
ياعممم
ذولا همّ !
ياعم
ذولا ذمّ
ياعم
ذولا سُمّ !
تقفز من الفكره
تستأصل البذره !
تستأثم بنفسك
وتعاود الكرّه ؟!
الشاهد _ الزاهد
الزاجل _ الوارد
لاتخفض إيدينك _ لاتثقل جبينك !
لا تحني القامه
هالناس " شمّامه "
تعتاش [ قمّامه ]
والا أنت _ لك لاباس
ماخانك الأحساس
ماينحني هالراس
دامك عريب الساس
بالله أحد فاهم ؟
وش مقصدك بالساس !
ذولا يحبوا الكاس
ومعاشر ال ……. كرّاس ]
أستغفرك يارب
من جرو يستأذب !
يستأسد ويسهب !
يحكي لنا أشعب
يتشعب ويكذب
يارب - يارحمن !
الوضع ذا خربان !•
يحتاج له _ دخّان
يحتاج له .. حيطان !
يحتاج له قمصان …
حمراء بلا خيطان !
تنزل من الأبدان
وتعاشر الأوزان !
وأشياء ماتُتلى
وأشياء تتْدلّى !
وأشياء من أشياء ..
[في قعر هالأملاء ]
تغلق على الفكره
تستأصل البذره
تستأثم بنفسك
ويعاندك ركضك !