على كثر القصيد اللي كتبته فيك صبح وليل
أحس اني برغم اللي كتبته ما قدرت اكتبك
لأنك دايم اكبر من قصيدٍ قيل أو ما قيل!
أشوفك حولي اشياءٍ كثيرة واعجز آرتبك
وش اكتب بك وش آخلي؟ وانا اشوف السنين تميل
على بحة حروفك لا ابتعدنا وابتديت اقربك!
يا الذ من الرضا واصدق من الدمعات قبل تسيل
يا ارق من الدموع اللي تسيل ف لحظة وتتعبك
معك تاخذني احلامي واحس إن الخيال بخيل!
إلى مني رسمتك.. نهر يشربني.. قبل لا اشربك
معك تصبح شراييني قلوبٍ تعشق التدليل
واصير ب قلبٍ تشتهي خوخك وقطف عنبك