جانى الخبر كوابس بتخنقنى
وسوادسحابه بتمشى وسط الضى
ونجوم فى كبد السما ضلمت
نورها انطفا
والكون سكن أسود من الكوانين
والدمع سال م العين سيلاتى
ليلاتى نازل مر لما الخبر جانى
كوانى بنار ما بتفرقش
والموت ملوش صاحب ما بيهزرش
اخرتها ايه
غير انى أبكى ع اللى راح
راح من هنا
قصدى رحل من عندنا
والكون سكت عينى بكت
ومعدتش اسمع فى المكان
همس القلم
ولا كلمه ولا حتى خبر
ولا صوت قصيده بتنقرى
واللا المزيع بيقول خبر
ولا حكمه ولا حتى مثل
كنت الاديب كنت الحكيم
كنت المثل
مقدرتش أوصف محنتى
شاعر أنا لكن منيش شاعر بحد
شاعر بهم أتقيل
تقل الجبل بيهد
والهم كان ع القد متفرق ع كل الناس
ما سيبشى منهم حد
آه ع الفراق لمن يطوووووووول
والليل يكون غووول
يخوفنى ويحدفنى على التيار
ويا خوفى لمن يكوووون
تيار الفراق عالى