ست الاحباب شوفيني هنا محتريك
ألعن البعد وسنينه على ساعته
عاشقك من كثر ماهوب مجنون فيك
حط حيله ف دخانه وولاعته
يا اجمل ايام عمري عاشقك يفتديك
يشتري كل دمعة حزن ما باعته
اسمعي حزن صمتي لا انتهى يبتديك
صرت ما اطيق جوالي وسمّاعته
كل دقة تدق ف قلب زايد تبيك
وكل دمعة معلقها ف شمّاعته
لو حضن منك تنهيدك ولمسة يديك
كان دنياه في غيبتك ما لاعته
اختلط فرحي بحزني وانا محتريك
والأكيد اني العن بعدك وساعته!!