أنا شخص وفيا لبلادي
وفي سبيل العز مازلت أناضل
فاليغرب المغرور عنا اذا اراد
ويبني بيننا حد وفاصل
سيبقى اسمك السودان فخرا
وفي ري الارض تزدداد المناهل
من مياه النيل مره
ومن التجوف والسواحل
كافت السودان واهلو
الفي الابيض والمناقل
وفي طرق تربط بلادنا
للسفر شان يبقى ساهل
نبدأ ننهض من جوانا
وفي السودان مايبقى عاطل
والبوادي تكون جميله
والحدائق والمشاتل
وفي الرياضة يفوز فريقنا
وللكؤوس يجمع يواصل
نبقى للعالم حكاية
والتقدم يبقى عاجل
يبقى اسمك يابلادي
فريد وعالي مثيلو نادر
والنعيم يغشاك زاير
خالي من كل المخاطر
والرمال في لونها قمره
تدي منظر شكلو ساحر
نخيلنا عالي ونيلو تحتو
وفي الطبيعة أجمل مناظر
مني أنا ابراهيم ابنك
جعلتي مني جندي وشاعر
جندي مقاتل عن حقوقك
لم يسترح رغم المخاطر
وشاعرا يكتب في اسمك
قصائدا ترضي الخواطر
وفي الختام سودانا تسلم
ربي حافظ ليك وساتر