بديت انا من خانة الصفر وياك
الود موجب وسالب الوقت عيا
وبالمسطره قست المعايير لرضاك
وقست المسافه بيننا والثريا
صغت الزوايا تحكم اوتار دنياك
خمس الزوايا رسمها لي تهيا
وسط الزوايا تهت انا وين ابلقاك
وحلمت حلم اللي بعمره شقيا
وشفت المؤشر موجب او سالب اقراك
لقيتني بالصفر لسه هنيا
وفي لحظةٍ فيها خيالي تخطراك
وده يحوم بموجبك لو شويا
ساق المشاعر وده يحوم بادراك
بخيالك الواسع يحوم برويا
رجعت للسالب ابي جرة اخطاك
والشوق يصرخ للمشاعر بهيا
لقيتني بالموجب اسبح بلاماك
حتى تواسا الموج فوقي عليا
واشفق علي وذبني وسط مرماك
في شاطي الحيره من الموت حيا
جيت الصفر يسرا ويمين اتحراك
كني وردت العد وابي السقيا
ورضيت بك وارضى ولا ارضى بلياك
وارضى ولا ارضى وان رضيتك حميا
الا بموجب سالبه فيك ماجاك
مليون موجب سالبه في يديا