اوصيكي ع ال فاضل
وع اللي غاب
علي الذكري مادام كنا
وبقينا اغراب
علي قصه مكملتشي
والف عتاب
علي الواد اللي من صلبي
وع البنت اللي تشبهلك
علي بحبك وعلي واحشني
بوصيكي علي اسمي
علي الرعشه اللي ف كفوفك
لاول لمسه من يدي
وعلي فستانك الفوشيا
وعلي حضنك قبل ما تغيبي
علي خدني واقول حاضر
علي تعبي ف اخر اليوم
واقول ضميني مش قادر
بوصيكي علي صُغري
وعلي كشكولي وحاجاتي
علي اوضتك ومقلمتك
وعلي عمري اللي وياكي
علي الكتف اللي ريحني
علي الشِعر اللي طار خايف
وفالح بس يوجعني
بوصيكي علي ال
مش محتاجه تتوصي